Солтүстік Қазақстан облысы бойынша «Кәсіпорындарды дезинфекциялау орталығы» филиалының құқықтық, кадр және шаруашылық жұмысы бөлімінің басшысы бос лауазымына орналасуға конкурс туралы хабарландыру.

Қазақстан Республикасы Денсаулық сақтау министрлігі Санитарлық-эпидемиологиялық бақылау комитетінің «Ұлттық сараптама орталығы» ШЖҚ РМК «Солтүстік Қазақстан облысы бойынша дезинфекция орталығы» филиалы (бұдан әрі-Филиал) Құқықтық, кадрлық және шаруашылық жұмыс бөлімінің бөлім басшысы  бос лауазымын орналастыруға конкурс жариялайды.

Филиал қызметінің мәні ошақтық және профилактикалық дезинфекция, дезинсекция және дератизацияны ұйымдастыру және жүргізу.

Филиал қызметінің мақсаты - халықтың санитарлық-эпидемиологиялық салауаттылығын қамтамасыз ету.

Құқықтық, кадрлық және шаруашылық жұмыс бөлімінің бөлім басшысы бос лауазымына қойылатын біліктілік талаптары: тиісті мамандық бойынша жоғары (немесе жоғары оқу орнынан кейінгі) білімі және мамандығы бойынша кемінде 2 жыл жұмыс өтілі немесе тиісті мамандық (біліктілік) бойынша орта техникалық және кәсіптік (арнаулы орта, кәсіптік орта) білімі және мамандығы бойынша кемінде 5 жыл жұмыс өтілі бар Қазақстан Республикасының азаматтары қатыса алады.

Бөлім басшысының лауазымдық міндеттеріне: филиалдың құқықтық, кадрлық және шаруашылық жұмыс бөлімінің мамандарының функционалдық-лауазымдық міндеттерін орындауын бақылайды;

• филиал бөлімшелері орналасқан ғимараттар мен үй-жайларды өндірістік санитария және өртке қарсы қорғау қағидалары мен нормаларына сәйкес шаруашылық қызмет көрсетуді және тиісті жай-күйді, сондай-ақ жабдықтардың (жарықтандыру, жылыту, желдету жүйелері және т. б.) жарамдылығын бақылауды қамтамасыз етеді.;
• шаруашылық инвентарьдың сақталуын, оны қалпына келтіруді және толықтыруды қамтамасыз етеді;
• негізгі қорларды (ғимараттарды, сумен жабдықтау жүйелерін, ауа құбырларын және басқа да құрылыстарды) ағымдағы және күрделі жөндеу жоспарларын әзірлеуге, шаруашылық шығыстарының сметаларын жасауға қатысады;
• электр және жылу энергиясы бойынша есептегіштің ай сайынғы көрсеткіштерін беруді жүзеге асырады;
• автокөлік құралдарының техникалық жай-күйін бақылауды, техникалық байқаудан, автокөлік құралдарын сақтандырудан уақтылы өтуді жүзеге асырады;
• жүргізушілерге жол парақтарын беруді жүзеге асырады;
• бензин шығынын бақылауды жүзеге асырады және ай сайын есеп береді;
• үй-жайларды жөндеуді ұйымдастырады, жөндеу жұмыстарын орындау сапасын бақылауды жүзеге асырады;
• филиал ғимаратының және оған іргелес аумақтың өндірістік санитариясы бойынша іс-шараларды ұйымдастыруды қамтамасыз етеді;
• қызметтік әдеп нормаларын сақтайды;
• филиалдың жұмыс тәртібін, орындаушылық және еңбек тәртібін сақтайды;
• қызметкерлердің еңбек қауіпсіздігі және еңбекті қорғау, өрт қауіпсіздігі ережелерін сақтауын қамтамасыз етеді;
• табельдік есепті ұйымдастыру, демалыс кестесін және жұмыс күн тәртібін жасау бойынша жұмыстарды орындайды;
• ҚР заңнамасына сәйкес бөлім қызметі барысында құрылған мұрағаттық құжаттарды жинақтау, сақтау, есепке алу және пайдалану бойынша жұмысты жүзеге асырады;
• бөлім қызметкерлерінің сыбайлас жемқорлыққа қарсы іс-қимыл туралы ҚР заңнамасын сақтауын қамтамасыз етеді;
• ақпараттық қауіпсіздік талаптарын сақтайды.

Конкурсқа қатысуға ниет білдірген тұлға (бұдан әрі-Конкурсқа қатысушы) мынадай құжаттарды ұсынады:

1) Қоса берілетін құжаттардың тізбесін көрсете отырып, конкурсқа қатысу туралы өтініш;

2) жеке басын куәландыратын құжаттың көшірмесі;

3) кадрларды есепке алу бойынша толтырылған жеке іс парағы (нақты тұрғылықты мекенжайы және байланыс телефондары көрсетіледі);

4) лауазымға қойылатын біліктілік талаптарына сәйкес білімі туралы құжаттардың нотариалды куәландырылған көшірмелері;

5) еңбек қызметін растайтын құжаттың көшірмесі;

6) Сыбайлас жемқорлық қылмыс жасағаны туралы мәліметтердің бар не жоқ екендігі туралы анықтама.

Көрсетілген құжаттардың біреуінің болмауы Конкурсқа қатысушыдан құжаттарды қабылдаудан бас тартуға негіз болады. Құжаттарды пошта арқылы алған жағдайда, олар қайтарылмайды.

Конкурсқа қатысушы біліміне, жұмыс тәжірибесіне, кәсіби деңгейіне қатысты қосымша ақпаратты (біліктілігін арттыру, ғылыми дәрежелер мен атақтар беру, ғылыми жарияланымдар туралы құжаттардың көшірмелері, алдыңғы жұмыс орнындағы басшылықтан ұсынымдар) ұсынады.

Байқау келесі кезеңдерден тұрады:

1) біліктілік бағасы;

2) тестілеу;

3) әңгімелесу өткізу;

4) конкурстың қорытындысын шығару.

Конкурсты өткізу тәртібі Кәсіпорынның Бас директорының 2018 жылғы 21 қарашадағы №523 бұйрығымен бекітілген Қазақстан Республикасы Денсаулық сақтау министрлігі Қоғамдық денсаулық сақтау комитетінің «Ұлттық сараптама орталығы» ШЖҚ РМК қызметкерлерінің бос лауазымдарына конкурстық орналасу қағидаларымен реттеледі (Қазақстан Республикасы Денсаулық сақтау министрлігі Cанитарлық-эпидемиологиялық бақылау комитетінің «Ұлттық сараптама орталығы»  ШЖҚ РМК сайтында орналастырылған).

Құжаттарды қабылдау жұмыс күндері сағат 9.00-ден бастап, сағат 13.00-ге дейін және сағат 14.30 бастап, 18.30-ға дейін 150000, Солтүстік Қазақстан облысы, Петропавл қаласы, Универсальная көшесі, 3а мекенжайы бойынша жүргізіледі.

Құжаттарды қабылдаудың аяқталуы:  2023 жылғы 04 мамыр сағат 18.30.

Анықтама телефоны: 8(7152) 31-29-57.