ҚР ДСМ СЭБК «Ұлттық сараптама орталығы» ШЖҚ РМК Түркістан облысы бойынша филиалының Түркістан қалалық бөлімшесінің зертхана меңгерушісі бос лауазымына орналасуға конкурс өткізу туралы хабарландыру

Қазақстан Республикасы Денсаулық сақтау министрлігі Санитариялық -эпидемиологиялық бақылау комитетінің «Ұлттық сараптама орталығы» шаруашылық жүргізу құқығындағы республикалық мемлекеттік кәсіпорынның Түркістан облысы бойынша филиалы (бұдан әрі - Филиал) Түркістан қалалық бөлімшесінің зертхана меңгерушісі бос орын лауазымына орналасуға конкурс жариялайды.

Филиал қызметінің мәні денсаулық сақтау саласындағы қызметті жүзеге асыру болып табылады.

Филиал қызметінің мақсаты - халықтың санитариялық-эпидемиологиялық салауаттылығын қамтамасыз ету.

Біліктілік талаптары:

Түркістан қалалық бөлімшесінің зертхана меңгерушісі бос орын лауазымына орналастыруға арналған конкурсына

"Денсаулық сақтау" даярлау бағыты бойынша жоғары білімі және "Денсаулық сақтау менеджменті" ("Қоғамдық денсаулық сақтау") мамандығы бойынша біліктілікті арттыру туралы куәлік және (немесе) тиісті мамандық бойынша біліктілік санаттарын беру туралы куәлік;

не "Денсаулық сақтау" даярлау бағыты бойынша жоғары білім; "Денсаулық сақтау" даярлау бағыты бойынша жоғары оқу орнынан кейінгі білім;

халықтың санитариялық-эпидемиологиялық саламаттылығы қызметінде тиісті мамандық бойынша денсаулық сақтау саласындағы маман сертификаты;

бейіні бойынша тиісті зертханада кемінде 3 жыл жұмыс өтілі бар Қазақстан Республикасының азаматтары қатыса алады.

Лауазымдық міндеттері:

1) бөлімшенің қызметіне жалпы басшылықты жүзеге асырады;

2) халыққа уақтылы және сапалы зертханалық және дезинфекциялық қызметтер көрсету бойынша құрылымдық бөлімшелердің жұмысын және тиімді өзара іс-қимылын ұйымдастырады;

3) сенімхат негізінде бөлімше тұлғасында Филиалдың және бөлімшенің өзінің мүдделерін басқа заңды және жеке тұлғалармен қарым-қатынаста білдіреді, осы лауазымдық нұсқаулықта және сенімхатта белгіленген өкілеттіктер шеңберінде шарттар жасасады және мәмілелер жасайды;

4) гигиеналық және эпидемияға қарсы іс-шаралардың жүргізілуіне, Санитариялық қағидалардың, нормалар мен гигиеналық нормативтердің сақталуына жедел және зертханалық-аспаптық бақылауды ұйымдастырады; 5) бөлімшенің рұқсат құжаттарын (режимдік комиссияның, лицензияның рұқсатын) алу үшін жәрдемдеседі және ұсыныстар береді;

6) Бөлімшенің өндірістік персоналы қызметкерлерінің біліктілігін арттыру, олардың кәсіби білімін дамыту жөніндегі жұмысты қамтамасыз етеді;

7) нормативтік және нұсқаулық-әдістемелік құжаттардың талаптарын ескере отырып, бөлімше алдында тұрған міндеттердің орындалуын қамтамасыз етеді;

8) зертханалардың қызметін басқа құрылымдық бөлімшелермен, аумақтық санитариялық-эпидемиологиялық бақылау басқармаларымен үйлестіреді;

9) санитариялық-эпидемиологиялық сараптама жүргізу үшін кешенді тексерулерге, объектілерге жоспарлы шығуларға қатысады;

10) инфекциялық және паразиттік ауруларды диагностикалауға қатысады;

11) жұмыс орындары мен зертханалардың Санитариялық қағидаларға сәйкестігіне аттестаттау жүргізуге қатысады;

12) жеке және заңды тұлғалардың өтініштері бойынша мемлекеттік тапсырыс шеңберінде санитариялық-химиялық, бактериологиялық, паразитологиялық, радиологиялық, токсикологиялық, санитариялық-гигиеналық зерттеулердің, аспаптық өлшемдердің, Шу мен дірілді, электромагниттік өрістерді, адамның мекендеу ортасының басқа да факторларының, дезинфекцияның, дезинсекцияның және дератизацияның уақтылы және сапалы орындалуын бақылауды жүзеге асырады, зерттеу хаттамаларын уақтылы береді және қол қояды;

13) өндірістік, коммуналдық және басқа да объектілерде өнімге зерттеулер, сынақтар және қоршаған ортаны өлшеу жүргізуді ұйымдастырады, бөлімше зертханаларында сапа жүйесінің жұмыс істеуін қамтамасыз етеді;

14) дезинфекциялық іс-шаралар өткізуді ұйымдастырады;

15) зертхана жүргізетін өлшеулер мен сынақтарды талдау нәтижелерінің дұрыстығын үйлестіреді және тексереді, сапаны сыртқы бағалауды (ББК)үйлестіреді және жүргізеді;

16) сынақ жабдығы мен өлшеу құралдарының жай-күйін, нормативтік құжаттамада белгіленген сынақ әдістерінің талаптарына дәлдік дәрежесінің сәйкестігін, техникалық қызмет көрсету мен жөндеудің уақтылы жүргізілуін қадағалайды, сынақ жабдығының уақтылы тексерілуін және калибрленуін қадағалайды;

17) міндетті номенклатура бойынша зертханалық-аспаптық зерттеулердің жаңа әдістемелерін енгізуді бақылауды жүзеге асырады;

18) зертханалар жұмысының жоспарына сәйкес зертхана персоналына ішкі техникалық оқу жүргізеді;

19) зертханада сынамалардың жеткізілуіне жәрдемдесуді және бақылауды жүзеге асырады;

20) химиялық реактивтердің, қоректік орталардың, препараттардың, прекурсорлар мен улардың, шығыс материалдарының дұрыс сақталуын және ұтымды пайдаланылуын, материалдарды есепке алуда шығыс нормалары мен нормативтердің сақталуын бақылауды жүзеге асырады;

21) зертханалық зерттеулер мен аспаптық өлшеулер жүргізудің жиынтық жоспарын, сондай-ақ мамандардың ұйымдастыру-әдістемелік жұмысының жоспарын жасайды;

22) бөлімшенің уақтылы есептілігін қамтамасыз етеді;

23) бөлімшенің жұмыс жоспарының және объектілерді зертханалық зерттеу жоспарларының уақтылы орындалуын қамтамасыз етеді;

24) Филиал басшылығының нұсқаулары мен өкімдерін орындайды;

25) бөлімшенің жеке және заңды тұлғаларға көрсеткен қызметтері үшін төлем шоттарын және орындалған жұмыстардың актілерін жазады;

26) енгізілетін стандарттардың талаптарына сәйкестігіне аккредиттеуден өту үшін материалдарды ұйымдастыруға және дайындауға қатысады, сондай-ақ аккредиттеу рәсімінен сәтті өткен кезде кейінгі жоспарлы бағалаудан өтуді жоспарлайды;

27) бөлімшенің, оның ішінде зертханалардың қызметін талдауды жүзеге асырады және олардың жұмыс көрсеткіштерін бағалау негізінде бөлімшелер жұмысының нысандары мен әдістерін жақсарту жөнінде қажетті шаралар қабылдайды.

28) ішкі еңбек тәртібі, қауіпсіздік техникасы, еңбекті қорғау, өндірістік санитария, аспаптарды, жабдықтар мен тетіктерді техникалық пайдалану қағидалары талаптарының орындалуын бақылайды.

29) пайда болған дебиторлық берешекті бақылайды, көрсетілген ақылы қызметтер бойынша объектілерден дебиторлық берешекті өндіріп алу жөнінде шаралар қабылдайды;

30) бөлімшенің материалдық-техникалық базасын жақсарту бойынша жұмыс жүргізеді;

31) кейіннен декларацияны филиалдың кадр қызметіне тапсыру туралы хабарламаның көшірмесін ұсына отырып, салық органына жеке тұлғаның (және жұбайының/зайыбының) активтері мен міндеттемелері, кірістері мен мүлкі туралы декларацияларды уақтылы ұсынады;

32) Бақылауды жүзеге асырады:

• құжаттарды, Филиал басшылығының тапсырмаларын, кәсіпорынның орталық аппаратының сұрауларын, жеке және заңды тұлғалардың өтініштерін уақтылы орындау.
• филиалдың бухгалтерлік есеп және экономика бөліміне тұтынылған коммуналдық және басқа да қызметтер, алынған тауарлық-материалдық құндылықтар үшін құжаттаманы, құжаттарды ресімдеу тәртібін сақтай отырып, тауарлық-материалдық құндылықтарды есептен шығару бойынша есептерді уақтылы ұсыну; - көрсетілген қызметтер бойынша ұйымдармен өзара есеп айырысуларды салыстыру актілерін ай сайын өткізу;
• қызметкерлерді зертханалық кеңестердің шешімімен және ұйымның қызметіне қатысты басқа ақпаратпен таныстыру;
• ЭКПО бағдарламасын дұрыс толтырғаны үшін.

Конкурсқа қатысуға ниет білдірген азамат келесі құжаттарды қолма қол немесе курьерлік пошта арқылы ұсынуы қажет:

1) Конкурс Ережелерінің (Кәсіпорын сайтында, «бос жұмыс орындары» бөлігінің соңғы парақта орналастырылған) 1-қосымшасына сәйкес нысан бойынша өтініш;

2) жеке басын куәландыратын құжаттың көшірмесі;

3) кадрларды есепке алу бойынша толтырылған жеке парақ (нақты тұрғылықты мекен-жайы мен байланыс телефондары көрсетілген);

4) лауазымға қойылатын біліктілік талаптарына сәйкес білімі туралы құжаттардың нотариалды куәландырылған көшірмелері;

5) еңбек қызметін растайтын құжаттың көшірмесі;

6) сыбайлас жемқорлық қылмыс жасау бойынша мәліметтердің бар-жоғы туралы анықтама (egov арқылы беріледі);

7) Конкурс Ережелерінің (Кәсіпорын сайтында, «бос жұмыс орындары» бөлігінің соңғы парақта орналастырылған) 2-қосымшасына сәйкес нысан бойынша түйіндеме.

Көрсетілген құжаттардың біреуі болмаса конкурсқа жіберуден бас тартуға негіз болып табылады. Құжаттарды курьерлік пошта арқылы алған жағдайда, олар қайтарылуға жатпайды.

Конкурсқа қатысушы өзінің біліміне қатысты қосымша ақпаратты, лауазымға қойылатын біліктілік талаптарына сәйкес жұмыс тәжірибесін растайтын құжаттарды, кәсіби деңгейін (біліктілігін арттыру, ғылыми дәрежелер мен атақтар беру туралы құжаттардың көшірмелері, ғылыми жарияланымдар, алдыңғы жұмыс орнының басшылығынан ұсынымдар және т.б.) ұсынады.

Байқау келесі кезеңдерден тұрады:

1) біліктілік бағалау;

2) сұхбаттасу өткізу;

3) конкурстың қорытындысын шығару.

Конкурсты өткізу тәртібі ҚР ДСМ СЭБК «Ұлттық сараптама орталығы» ШЖҚ РМК Басқармасының сырттай отырысының 2023 жылғы 21 қыркүйектегі № 55 шешімімен бекітілген ҚР ДСМ СЭБК «Ұлттық сараптама орталығы» ШЖҚ РМК жұмыскерлерінің бос орын лауазымдарын конкурстық орналастыру ережелерімен (ҚР ДСМ СЭБК «Ұлттық сараптама орталығы» ШЖҚ РМК сайтында орналастырылған) реттеледі.

Құжаттарды қабылдау жұмыс күндері сағат 8.00-ден бастап, сағат 13.00-ге дейін және сағат 14.30 бастап, 17.30-ға дейін, Шымкент қаласы, Әлімқұлов көшесі, 12 мекенжайы бойынша жүргізіледі.

Құжаттарды қабылдаудың аяқталуы: 2025 жылғы 15 желтоқсан, сағат 17.30-ға дейін.

Анықтама телефондары: 8(7252) 43 30 66.